ევროკავშირის მოქალაქეებს ბრიტანეთში გასამგზავრებლად დამატებითი ნებართვის მიღება დასჭირდებათ

დიდ ბრიტანეთში გასამგზავრებლად ევროპელ ვიზიტორებს მიმდინარე წლის 2 აპრილიდან ელექტრონული ნებართვის მიღება სჭირდებათ. 

ელექტრონული სამოგზაურო ავტორიზაციის (ETA) სისტემა ყველა იმ ვიზიტორისგან, რომელსაც ბრიტანეთში შესვლისთვის ვიზა არ სჭირდება, წინასწარი ონლაინ ავტორიზაციის მიღებას მოითხოვს, რომლის ფასიც ახლა 12 ევროა, 9 აპრილიდან კი დაახლოებით 19 ევრო იქნება.

განმცხადებელმა უნდა შეავსოს კითხვარი თავისი ბიოგრაფიული დეტალებისა და კრიმინალური წარსულის შესახებ.

აპლიკაციის შევსების შემდეგ ელექტრონული სამოგზაურო ავტორიზაციის მოთხოვნაზე პასუხს მოგზაური ავტომატურად რამდენიმე წუთში მიიღებს.

ელექტრონული სამოგზაურო ავტორიზაციისგან თავისუფლდებიან ირლანდიის მოქალაქეები.

ETA-ს სისტემა თავდაპირველად გასულ წელს ამოქმედდა ევროკავშირის არაწევრი ქვეყნების, მათ შორის, აშშ-ის, კანადისა და ავსტრალიის მოქალაქეებისთვის.

ავიაკომპანიები, საზღვაო და სარკინიგზო კომპანიები 2 აპრილიდან ვალდებულები არიან, მგზავრის ელექტრონული სამოგზაურო ავტორიზაციის სტატუსი შეამოწმონ.

სტატისტიკური მონაცემების თანახმად, 2023 წელს გაერთიანებულმა სამეფომ ევროკავშირის ქვეყნებიდან 22,5 მილიონი ვიზიტორი მიიღო.

მანანა ბანძელაძე