ეკონომიკის სამინისტროს ცნობით, ქართული თაფლის ჩინეთში გაყიდვა შესაძლებელი ხდება

პრესსამსახურის ცნობით, მიმდინარეობს მოლაპარაკება ფრინველის ხორცის შეტანის ნებართვის მიღებასთან დაკავშირებით.

„ეს იქნება დამატებითი შესაძლებლობა, საქართველომ ჩინეთის ბაზარზე პირველად გაიტანოს ისეთი პროდუქტები, რომლებზეც მაღალი მოთხოვნა არსებობს“, - წერია ეკონომიკის სამინისტროს გავრცელებულ ინფორმაციაში.

• „ქართული ოცნების“ ხელისუფლებაში ყოფნის დროს ჩინეთი საქართველოს სტრატეგიული პარტნიორი გახდა. შეთანხმებას ხელი 2023 წლის ივლისში მოეწერა.
• ამავე პარტიის მმართველობის დროს საქართველოსთან სტრატეგიული პარტნიორობა შეაჩერა აშშ-მა - ეს გადაწყვეტილება (2024 წლის 30 ნოემბერი) დროში დაემთხვა დედაქალაქში მიმდინარე პროევროპულ აქციებს, რომლის მონაწილეებსაც პოლიცია ფიზიკურად უსწორდებოდა. აქციებზე იძალადეს ჟურნალისტებზეც - დაკავებული ამ დრომდე არ არის არცერთი პოლიციელი.