ერთ-ერთი ყველაზე ძლიერი და შთამაგონებელი ქალი –  ანჯელინა ჯოლი 50 წლის გახდა

4 ივნისს ჰოლივუდის ერთ-ერთი ყველაზე ძლიერი და შთამაგონებელი ქალი –  ანჯელინა ჯოლი 50 წლის გახდა.

“დედაჩემი 56 წლის ასაკში გარდაიცვალა. მე კი ბედნიერი ვარ, რომ 50-ის გავხდი და კიდევ მაქვს ცხოვრების შესაძლებლობა” – ამბობს ჯოლი People Magazine – თან ინტერვიუში.

მისი ცხოვრება ყურადღებას იქცევს არა მხოლოდ წარმატებული კარიერის, არამედ საინტერესო პირადი ცხოვრების გამო. ჯოლიმ საკუთარი ისტორია დამოუკიდებლობის, სირთულეების დაძლევისა და ემოციური სიმწიფის მაგალითად აქცია.

ანჯელინა ჯოლი წლების განმავლობაში არაერთ გახმაურებულ ურთიერთობაში ყოფილა, თუმცა ბოლო პერიოდში თავისი დროის უმეტეს ნაწილს შვილებსა და საქველმოქმედო საქმიანობას უთმობს. 2016 წელს ბრედ პიტთან განქორწინების შემდეგ, მან აღნიშნა, რომ დედის როლს ყველაზე დიდ მნიშვნელობას ანიჭებს და სხვა ყველაფერს მეორეხარისხოვნად მიიჩნევს.

ანჯელინა ჯოლი და მილერი

ანჯელინა ჯოლი ინგლისელ მსახიობ ჯონი ლი მილერს 1995 წელს, ფილმის Hackers გადაღებისას შეხვდა. წყვილმა 1996 წელს იქორწინა, თუმცა მათი სამუშაო გრაფიკის გამო ერთი წლის შემდეგ დაშორდნენ. განქორწინება 1999 წელს დასრულდა. მიუხედავად გაშორებისა, ჯოლი მილერზე ყოველთვის თბილად ლაპარაკობდა და 2003 წელს მას “ძლიერი ადამიანი და მეგობარი” უწოდა. 2005 წელს ისინი ლონდონში ერთობლივ ვახშამზეც შენიშნეს.

ანჯელინა ჯოლი და ჯენი შიმიძუ

ანჯელინა ჯოლი 1996 წელს დაუახლოვდა მოდელსა და მსახიობ ჯენი შიმიძუს, მას შემდეგ რაც ერთად მონაწილეობდნენ ფილმში Foxfire. 1997 წელს მან ჟურნალ Girlfriends-თან განაცხადა, რომ შიმიძუ შესაძლოა მისი დიდი სიყვარული გამხდარიყო და დასძინა: „ალბათ მასზე დავქორწინდებოდი, რომ არ მქონოდა სხვა ქორწინება“. ჯოლის თქმით, შიმიძუზე პირველივე წამიდან იყო შეყვარებული.

ჯოლი და ბილი ბობ თორნტონი

ანჯელინა ჯოლი და ბილი ბობ თორნტონი 1999 წელს გადაღებების დროს შეხვდნენ და მალევე დაოჯახდნენ. მათი ურთიერთობა ექსცენტრიულობით იყო ცნობილი. ისინი ერთმანეთის სისხლით სავსე კოლოფებს ატარებდნენ და როგორც ცნობილია, ჯოლიმ ტატუდ თორნტონის სახელი დაიწერა. წყვილმა ერთად იშვილა ბიჭი კამბოჯიდან, თუმცა 2003 წელს განქორწინდნენ. მიუხედავად დაშორებისა, ისინი მეგობრებად დარჩნენ. თორნტონი არაერთხელ ხაზგასმით აღნიშნავდა, რომ ჯოლი მისი ერთ-ერთი ყველაზე ახლო მეგობარია.

ჯოლი და ვალ კილმერი

ჯოლი და ვალ კილმერი ერთმანეთს 2004 წლის ფილმ ალექსანდრეზე მუშაობის დროს შეხვდნენ, სადაც ისინი ალექსანდრე მაკედონელის მშობლებს განასახიერებდნენ. მაშინ გავრცელდა ხმები მათი რომანტიკული ურთიერთობის შესახებ, თუმცა ეს არასოდეს დადასტურებულა. კილმერმა თავის მემუარებში (I’m Your Huckleberry) აღიარა, რომ ჯოლი ძალიან მოსწონდა და ოცნებობდა მისთვის თვითმფრინავი ეყიდა და ცისარტყელას ფერებში დაეხატა  „V+J“.  კილმერმა რეჟისორსაც კი სთხოვა, დაემტკიცებინა სცენები, სადაც მათ ერთმანეთი უყვართ.

ჯოლი და ბრედ პიტი

ანჯელინა ჯოლი და ბრედ პიტი ერთმანეთს 2005 წლის ფილმის Mr. and Mrs. Smith გადაღებების დროს შეხვდნენ. იმ პერიოდში პიტი ჯერ კიდევ ჯენიფერ ენინსტონზე იყო დაქორწინებული, თუმცა წყვილი იმავე წელს განქორწინდა.

რამდენიმე თვეში პიტი ჯოლის გაჰყვა ეთიოპიაში, სადაც მან მეორე შვილი, ზაჰარა იშვილა. მოგვიანებით, 2006 წლის იანვარში, ზაჰარასა და ჯოლის უფროს შვილ მედოქსს გვარები ოფიციალურად შეეცვალათ ჯოლი – პიტად. მაისში კი წყვილს ქალიშვილი შაილო შეეძინა. 2007 წელს მათ იშვილეს პაქსი, ხოლო 2008 წელს ტყუპები, ნოქსი და ვივიენი.

2016 წელს ჯოლიმ განქორწინება და შვილებზე მეურვეობა, პიტისთვის კი მხოლოდ ნახვის უფლება ითხოვა. მან, აღნიშნა რომ ეს გადაწყვეტილება ოჯახური კეთილდღეობის მიზნით იყო მიღებული. პიტმაც განაცხადა, რომ ამ რთულ დროს ყველაზე მნიშვნელოვანი იყო შვილების სიმშვიდე და პირადი სივრცე.

მათ შორის ხანგრძლივი სასამართლო დავა დაიწყო. თავდაპირველად პიტს უფრო მეტი დრო მიეცა შვილებთან ურთიერთობისთვის, თუმცა მოგვიანებით ეს გადაწყვეტილება გაუქმდა.

2022 წელს პიტმა სარჩელი შეიტანა ჯოლის წინააღმდეგ, იმის გამო, რომ მან წილი გაყიდა მათ ერთობლივი ბიზნესის(ღვინის მეურნეობის). იმავე წელს ჯოლიმ მოითხოვა გამოძიების დოკუმენტები გახმაურებული თვითმფრინავის ინციდენტის შესახებ.

მრავალი წლიანი სამართლებრივი ბრძოლის შემდეგ, მათი განქორწინება ოფიციალურად დასრულდა 2024 წლის დეკემბერში. „ ის გამოფიტულია, მაგრამ ბედნიერია, რომ ეს ეტაპი დასრულდა“. –  აღნიშნა ჯოლის ადვოკატმა.

ბრედ პიტმა პირველად საჯაროდ ისაუბრა ანჯელინა ჯოლისთან განქორწინების შესახებ 2025 წლის მაისში, GQ-სთან ინტერვიუში. მან განქორწინების პროცესი შეაფასა როგორც უბრალოდ იურიდიული ფორმალობა.

„განქორწინების დასრულება უბრალოდ ფორმალობა იყო. ჩემთვის ეს განსაკუთრებული ამბავი არ ყოფილა. უფრო მნიშვნელოვანი იყო სიმშვიდისა და სტაბილურობის პოვნა ყველასთვის, ვინც პროცესში იყო ჩართული.“ – ბრედ პიტი, GQ, 2025 წლის მაისი.