18 hours ago
5
ვოლოდიმირ ზელენსკიმ რუსეთის კურსკის რეგიონში უკრაინის შეიარაღებული ძალების ოპერაციას რუსეთის აგრესიის მოგერიებაში უკრაინის "ერთ-ერთი მთავარი მიღწევა" უწოდა. მისივე თქმით, ეს ოპერაცია უკრაინას სუმის რეგიონის გავლით რუსეთის შეჭრისგან იცავს.
ამის შესახებ ზელენსკიმ რუსეთის მოსაზღვრე ქალაქ სუმის შესასვლელთან ჩაწერილ ვიდეომიმართვაში განაცხადა. ხუთშაბათს უკრაინის პრეზიდენტი ასევე ეწვია ჩერნიჰივის რეგიონს.
ზელენსკის თქმით, მან სამხედრო დანაყოფების მეთაურებთან განიხილა უკრაინის შეიარაღებული ძალების ძირითადი საჭიროებები, დამატებითი მხარდაჭერა, აღჭურვილობის, თვითმფრინავების მიწოდება, ასევე ოპერატიული საკითხები, რომლებიც დაკავშირებულია კურსკის რეგიონში ოპერაციის გაგრძელებასთან. "აბსოლუტურად სამართლიანია ომის უკან გადატანა იქ, სადაც ის წამოვიდა", - განაცხადა უკრაინის პრეზიდენტმა.
უკრაინის შეიარაღებული ძალების ოპერაცია კურსკის რეგიონში გასული წლის 8 აგვისტოს დაიწყო. უკრაინის ჯარების მიერ ოკუპირებული რუსეთის ტერიტორიის ფართობი დაახლოებით ათასი კვადრატული კილომეტრი იყო. ამ წლის მარტში რუსეთის არმიის კონტრშეტევის შემდეგ, ამ ტერიტორიის უმეტესი ნაწილი, მათ შორის რაიონული ცენტრი სუჯა, დაიკარგა. ანალიტიკური პროექტ "დიფ სთეითის" თანახმად, უკრაინის შეიარაღებული ძალები ამჟამად აკონტროლებენ რამდენიმე სასაზღვრო სოფელს, რომელიც რამდენიმე ათეული კვადრატული კილომეტრის ფართობს მოიცავს.
ზელენსკი მანამდე აცხადებდა, რომ ტერიტორიების დაკავება გახდებოდა რუსეთში პუტინის ეპოქის სიმბოლური დასასრული. "ვხედავთ, რეალურად როგორ მოძრაობს რუსეთი პუტინის დროებაში: 24 წლის წინ მოხდა 'კურსკის' კატასტროფა - მისი მმართველობის სიმბოლური დასაწყისი, ახლა კი ვხედავთ, ყველაფერი რით მთავრდება. და ესეც კურსკია", - ამბობდა უკრაინის პრეზიდენტი.
მაგრამ 14 მარტს უკრაინის პრეზიდენტმა ჟურნალისტებთან საუბარში თქვა, რომ უკრაინის არმიის ამოცანა იყო რუსეთის სამხედროების გაყვანა პოკროვსკის, ხარკოვის და სუმის მიმართულებებიდან. "ვფიქრობ, რომ [ოპერაციამ] თავის მიზანს მიაღწია", - ზელენსკის ამ სიტყვებს ავრცელებს სააგენტო "უკრინფორმი".
English (US) · 
Georgian (GE) ·