ია ანთაძე: დასრულდა ჩემი თანამშრომლობა საზოგადოებრივ მაუწყებელთან

„რა თქმა უნდა, ეს გადაწყვეტილება მოულოდნელი არ ყოფილა, რადგან მას ჩემი არჩევანის, ჩემი პასუხისმგებლობის ბუნებრივ შედეგად აღვიქვამ“, - აცხადებს ია ანთაძე.

ია ანთაძე საზოგადოებრივ მაუწყებელში 2017 წლის იანვარში დასაქმდა, მას შემდეგ, რაც ვასილ მაღლაფერიძე გახდა არხის დირექტორი. 6 იანვარს არჩეულმა მაღლაფერიძემ ანთაძე თავის მრჩევლად 13 იანვარს წარადგინა.

ვასილ მაღლაფერიძის არჩევას სამოქალაქო სექტორი კრიტიკით შეხვდა, რადგან ის მანამდე „ქართული ოცნების“ დამფუძნებლის, ბიძინა ივანიშვილის ოჯახის ტელევიზიის (GDS) ერთ-ერთი ხელმძღვანელი იყო. მაღლაფერიძის არჩევის შემდეგ მაუწყებელზე დასაქმდა GDS-ის არაერთი თანამშრომელი.

მოგვიანებით ანთაძე ე.წ. სუპერდესკის ერთ-ერთი წევრი გახდა. ამ ჯგუფს უნდა ემართა არხის სარედაქციო პოლიტიკა.

მასალა განახლდება