,,იწვევს თავის ტვინის ანთებას, რომლის საწინააღმდეგო საშუალება არ არსებობს!” – ივანე ჩხაიძის საგანგებო გაფრთხილება მშობლებს

წითელას საწინააღმდეგო აცრების მოცვის მაჩვენებლით, საქართველოს ევროპის მასშტაბით ერთ-ერთი საუკეთესო შედეგი პანდემიამდე ჰქონდა, ახლა კი ეს მაჩვენებელი გაცილებით დაბალია.

საჭიროა თუ არა ბავშვების გეგმური აცრა?

პანდემიის შემდეგ მშობლები ამ კითხვას ხშირად სვამენ. მათი გარკვეული ნაწილი აცრის მიმართ სკეპტიკურად არის განწყობილი.

პარალელურად კი, იმუნიზაციის ტექნიკურ მრჩეველთა ჯგუფის ხელმძღვანელის ივანე ჩხაიძეს თქმით, საქართველოში წითელას ვაქცინაციასთან დაკავშირებით მძიმე მდგომარეობაა, რაც ნიშნავს იმას, რომ, შესაძლოა, ბავშვებში ინფიცირების მასშტაბი გაიზარდოს.

,,მძიმე მდგომარეობა გვაქვს, იწვევს თავის ტვინის ანთებას, რომლის საწინააღმდეგო საშუალება არ არსებობს და ბავშვები იღუპებიან”, – ამბობს ივანე ჩხაიძე.