“კვლავ გავაგრძელებთ აფხაზეთის უსაფრთხოების უზრუნველყოფას და ეკონომიკურ დახმარებას” – ზახაროვა

რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ, აფხაზეთის საპრეზიდენტო არჩევნების შედეგები შეაფასა.

აფხაზეთის დე ფაქტო საპრეზიდენტო არჩევნების მეორე ტურში, წინასწარი მონაცემების მიხედვით, კრემლის მიერ მხარდაჭერილმა კანდიდატმა, ბადრა გუნბამ 56,85% მიიღო, მისმა კონკურენტმა, გაერთიანებული ოპოზიციის კანდიდატმა ადგურ არძინბამ – 43,15%.

ზახაროვას თქმით, აფხაზეთის ახალ ხელისუფლებას სერიოზული ამოცანები აქვს, განსაკუთრებით, აფხაზეთის განვითარებისა და ეროვნული უსაფრთხოების უზრუნველყოფის კუთხით.

“ამ პროცესში დიდ როლს ითამაშებს რუსეთ-აფხაზეთს შორის არსებული შეთანხმებების შესრულება. მოსკოვი კი კვლავაც გააგრძელებს დახმარებას როგორც სოციალურ-ეკონომიკური პრობლემების მოგვარებაში, ისე აფხაზეთის საერთაშორისო კონტაქტების გაფართოების საკითხში”.

2 მარტს ვლადიმირ პუტინმა გამარჯვებულ კანდიდატს, ბესლან გუნბას, ოფიციალური მილოცვა გაუგზავნა. პუტინმა იმედი გამოთქვა, რომ “რუსეთ-აფხაზეთს შორის არსებული მოკავშირეობრივი ურთიერთობები კიდევ უფრო განმტკიცდება”.