მაიამიში სატვირთო თვითმფრინავი ასაფრენი ბილიკიდან გადავარდა

ხუთი ადამიანი დაიღუპა და ხუთი დაშავდა.ფლორიდაში, მაიამის საერთაშორისო აეროპორტში Amazon Prime Air-ის სატვირთო თვითმფრინავთან დაკავშირებული ინციდენტის შედეგად, ინფორმაციას სააგენტოები Reuters-ი და AP ავრცელებენ.

Boeing 767-300 სატვირთო თვითმფრინავმა კატასტროფა პუერტო რიკოს ქალაქ სან ხუანში მდებარე, ლუის მუნიოს მარინის საერთაშორისო აეროპორტიდან აფრენის შემდეგ, ადგილობრივი დროით 14:00 საათამდე განიცადა. Boeing 767 ასაფრენი ბილიკიდან გადავიდა, მიწაზე რამდენიმე ავტომობილს შეეჯახა და ცეცხლი გაუჩნდა.

მაიამი-დეიდის ოლქის სახანძრო სამსახურის უფროსმა, რეი ჯადალამ, განაცხადა, რომ ორივე პილოტი კაბინაში დაიბლოკა, რამდენიმე ადამიანი კი იმ ავტომობილებში, რომელსაც თვითმფრინავი შეასკდა. ხუთი დაშავებულიდან სამი კრიტიკულ მდგომარეობაშია.

Amazon-მა განაცხადა, რომ 21 Air-ის კუთვნილი თვითმფრინავი ინციდენტის დროს დაშვებას ცდილობდა.

„ჩვენ მჭიდროდ ვთანამშრომლობთ ადგილობრივ ხელისუფლებასთან და მთავრობის წარმომადგენლებთან დამატებითი ინფორმაციის მისაღებად და სრულად ვითანამშრომლებთ ნებისმიერ გამოძიებასთან“, - განაცხადა კომპანიის წარმომადგენელმა კელი ნანტელმა.