მალალა სთხოვს მუსლიმ ლიდერებს თალიბანს ლეგიტიმაცია არ მიანიჭონ

პაკისტანელი უფლებადამცველი, აქტივისტი და ნობელის მშვიდობის პრემიის მფლობელი მალალა იუსაფზაი, მოუწოდებს მუსულმან ლიდერებს მთელი მსოფლიოს მასშტაბით, არ მიანიჭონ თალიბანს ლეგიტიმაცია. მალალა იუსაფზაის თქმით, ავღანეთის ახლანდელი მთავრობა ქალებზე გენდერული ნიშნით ძალადობს და მათ ამაზე პასუხი უნდა აგონ.

„თალიბანი ნათელია თავისი მისიის შესახებ. მათ სურთ ქალებისა და გოგონების საზოგადოებრივი ცხოვრების ყველა ასპექტიდან ამოძირკვა და მათი საზოგადოებისგან გარიყვა“, - თქვა მან. „მარტივად რომ ვთქვათ, თალიბანი ქალებს ადამიანებად არ აღიქვამს. ისინი თავიანთ დანაშაულებებს კულტურულ და რელიგიურ გამართლებას უგონებენ“, - ხსნის ის.
თალიბანი ავღანეთში 2021 წლის აგვისტოში დაბრუნდა ხელისუფლებაში და ისლამური კანონის მკაცრი ინტერპრეტაციით ნაკარნახევი ის ჩვეულებები დააწესა, რაც შარიათის კანონის სახელითაა ცნობილი.

ავღანელ გოგონებს მეექვსე კლასის შემდეგ სკოლაში სიარული სრულად ეკრძალებათ. ქალებს ეკრძალებათ უმეტეს დაწესებულებებში მუშაობა და ქუჩაში მარტო სიარული.