მეცნიერებათა აკადემიის წევრებს 1 სექტემბრიდან ანაზღაურება ეზრდებათ

ანაზღაურების გაზრდის მიზეზად დასახელებულია „უკანასკნელ წლებში ქვეყანაში მაღალი ეკონომიკური ზრდის ტემპი“.

კანონპროექტის მიღების შემთხვევაში 2025 წლის 1 სექტემბრიდან:

• „აკადემიის ნამდვილი წევრის“ (აკადემიკოსის) ანაზღაურება 400 ლარით გაიზრდება და 2000 ლარი გახდება;
• აკადემიის წევრ-კორესპონდენტს კი 250 ლარით გაეზრდება და 1000-ის ნაცვლად 1250 ლარი გაუხდება.
• მოქმედი კანონმდებლობით აკადემიკოს სახელმწიფო ანაზღაურებას არ აძლევს, თუ ის საქართველოს მოქალაქეობას დაკარგავას - კანონპროექტით გათვალისწინებულია ამ მუხლის ამოღებაც.

„საქართველოს სახელმწიფო ბიუჯეტიდან საქართველოს სოფლის მეურნეობის მეცნიერებათა აკადემიის ნამდვილ წევრს და წევრ-კორესპონდენტს მთელი სიცოცხლის განმავლობაში ენიშნებათ ყოველთვიური ანაზღაურება შესაბამისად არანაკლებ 2000 და 1250 ლარისა“, - წერია კანონპროექტში.

მეცნიერებათა აკადემია თბილისში, რუსთაველის გამზირზე ისტორიულ შენობაშია განთავსებული. შენობის ნაწილი კომერციულ სივრცეებად არის გაქირავებული.

აკადემია ფართო საზოგადოების ყურადღების ქვეშ 2020 წლის 17 თებერვალს მოექცა, როცა ფეისბუკის ოფიციალური გვერდზე მმართველი პარტიის ლიდერს, ყოფილ პრემიერ-მინისტრს, ბიძინა ივანიშვილს აკადემიამ დაბადების დღე ჯერ მიულოცა, შემდეგ კი ეს მილოცვა წაშალა.