მიანმაში დამანგრეველი მიწისძვრა მოხდა

მიანმაში(ყოფილი ბირმა) 7,7 მაგნიტუდის მიწისძვრა მოხდა. ეპიცენტრი ქვეყნის ცენტრალურ ნაწილში მდებარეობდა.

დანგრეულია სახლები და სხვა შენობები, ხიდები და გზები. ინფორმაცია მსხვერპლის შესახებ ჯერჯერობით არ გავრცელებულა.

მიწისძვრამ ნგრევა გამოიწვია მეზობელი ტაილანდის დედაქალაქ ბანგკოკშიც. ერთ-ერთი შენობის ნანგრევებში 40-ზე მეტი ადამიანია მოყოლილი.