მოსკოვზე დრონებით შეტევის ერთ-ერთი სამიზნე სავარაუდოდ, უმსხვილესი ნავთობბაზა იყო

მოსკოვის მერმა სერგეი სობიანინმა 6 ოქტომბერს დილის ექვსი საათისთვის სოციალური ქსელებით გაავრცელა ცნობა, რომ 5 ოქტომბრის 20:30 საათიდან 6 ოქტომბრის 05:00 საათამდე „მოსკოვის რეგიონისკენ მიფრინავდა 650 უპილოტო საფრენი აპარატი, მათი დიდი ნაწილი საჰაერო თავდაცვის ძალებმა შორეულ საზღვრებთან გაანადგურეს. 105 უპილოტო განადგურებულია მოსკოვთან მიფრენისას”.

სობიანინს არ უთქვამს, რა შედეგები გამოიწვიეს მოუგერიებელმა დრონებმა.

სხვა წყაროები

მონიტორინგის უკრაინული არხის Supernova+-ის ინფორმაციით, მოსკოვის ოლქში შეტევა იყო სამრეწველო-სადისპეტჩერო სადგურზე „ვოლოდარსკაია“.

რუსეთის ხელისუფლების მიერ „უცხოეთის აგენტად“ გამოცხადებულმა დამოუკიდებელმა გამოცემა ASTRA-მ უკრაინული არხის მიერ გავრცელებული კადრების ანალიზის საფუძველზე დაადასტურა, რომ ხანძარია სამრეწველო-სადისპეტჩერო სადგურ „ვოლოდარსკაიას“ ტერიტორიაზე.

ეს ობიექტი კომპანია „ტრანსნეფტეპროდუქტის“ შემადგენლობაშია და მოსკოვის რეგიონში უმსხვილეს ნავთობის ბაზას წარმოადგენს.