მძევლების გათავისუფლება ხვალ დაიწყება - ტრამპი, მერცი და სხვები ღაზის შეთანხმების ხელმოწერის ცერემონიაზე აპირებენ ჩასვლას

მან სააგენტოს ასევე უთხრა, რომ გადაცემის ზუსტი გეგმა ჯერ კიდევ დაუდგენელია. მოლაპარაკების პირობების თანახმად, მძევლების გათავისუფლების შემდეგ, ისრაელმა ციხეებიდან თითქმის 2000 პალესტინელი პატიმარი უნდა გაათავისუფლოს. ჰამასის (აშშ-სა და ევროკავშირში გამოცხადებულია ტერორისტულ დაჯგუფებად) თქმით, პატიმრების ზუსტი სია ჯერ კიდევ მოლაპარაკების პროცესშია.

როგორც dpa ჰამასის წყაროებზე დაყრდნობით იტყობინება, ხვალ ორგანიზაცია არ იქნება წარმოდგენილი ეგვიპტეში დაგეგმილ ცერემონიაზე, სადაც ღაზის შეთანხმების ხელმოწერა იგეგმება.

ეგვიპტის პრეზიდენტმა დაადასტურა, რომ შეხვედრა 13 ოქტომბერს, შუადღისას შარმ ელ-შეიხში გაიმართება. მასში 20-ზე მეტი ქვეყნის სახელმწიფოებისა და მთავრობის მეთაურები მიიღებენ მონაწილეობას. მათ შორის - სავარაუდოდ, აშშ-ის პრეზიდენტი დონალდ ტრამპი და გერმანიის კანცლერი ფრიდრიხ მერცი, ასევე - საფრანგეთის პრეზიდენტი ემანუელ მაკრონი და ბრიტანეთის პრემიერ-მინისტრი კირ სტარმერი.

ტრამპი ასევე აპირებს ისრაელის პარლამენტში სიტყვით გამოსვლას. როგორც თეთრმა სახლმა განაცხადა, ასევე დაგეგმილია შეხვედრა პრეზიდენტსა და ისრაელელი მძევლების ნათესავებს შორის.