პოლიციის ძალადობის კადრების გამავცელებელმა ციხეში შიმშილობა დაიწყო

„ბრალდებულმა გიორგი კვიცარიძემ 2026 წლის 15 ივლისს, 15:30 საათზე, პირად სისხლის სამართლის საქმესთან დაკავშირებით (რაც თავად აქვს მითითებული მიზეზად) შიმშილობა გამოაცხადა“, - აცხადებენ ციხის ადმინსტრაციაში და დამატებით დასძენებ, რომ ის გადაყვანილია მოშიმშილე პირებისთვის განკუთვნილ საკანში.

13 ივნისს „TV პირველმა“ გადაცემაში „ნოდარ მალაძის შაბათი“ გაავრცელა პოლიციის ერთ-ერთ განყოფილებაში პოლიციელების მხრიდან ძალადობის ამსახველი ვიდეოკარდები. მოძალადე პოლიციელები, რომლებიც ოთახში მყოფ მოქალაქეს წიხლებსა და მუშტებს ურტყამდნენ, მოითხოვდნენ ინფორმაციის მიწოდებას - „დროზე თქმას“.

გიორგი კვიცარიძის დედა ამბობს, რომ მისი შვილი ამ ვიდეოკადრების გამოპოვების შემდეგ დააკავეს - „ნარკოტიკები ჩაუდეს“. „TV პირველს“ ქალმა უთხრა, რომ თუკი მისი შვილი კადრება არ გაავრცელებდა, საპატიმრო წლებს შეუმცირებდნენ. მისივე ცნობით, არსებობს ათობით მსგავსი სხვა ფაილიც.