რუსეთიდან 100-ზე მეტი დრონით შეტევისა და მსხვერპლის შესახებ იუწყებიან

რუსეთის ხელისუფლება უკრაინული დრონებით მორიგი შეტევისა და მსხვერპლის შესახებ იუწყება.

რუსეთის თავდაცვის სამინისტროს მიერ დღეს, 4 აპრილს გავრცელებული ინფორმაციით, რომელიც სხვა წყაროებით დადასტურებული არ არის, გასული ღამიდან დღეს დილამდე საჰაერო თავდაცვის საშუალებებით „გზად დაიჭირეს და გაანადგურეს“ 107 უკრაინული უპილოტო საფრენი აპარატი. მათგან 34 - კურსკის ოლქში, 30 - ორიოლის ოლქში, 18 - ლიპეცკში, 7 - კალუგის ოლქში, 4-4 - როსტოვის ოლქსა და აზოვის ზღვის აკვატორიის თავზე, 3-3 - ტამბოვის და მოსკოვის ოლქებში, 2 - ბრიანსკში, 1 - ვორონეჟის ოლქში და 1 - ტულაში.

ბრიანსკის ოლქის გუბერნატორ ალექსანდრ ბოგომაზის ტელეგრამ არხზე 04:00 საათისთვის გამოქვეყნებული ცნობით, დრონებით შეტევის შედეგად ერთი ადამიანი დაიღუპა და ერთი დაიჭრა.

ადგილობრივი ხელისუფლების ინფორმაციით, მოსკოვის ოლქის ქალაქ ჩეხოვში დაზიანებულია რამდენიმე სახლი. სხვა რეგიონებიდან მსხვერპლის, ან ნგრევის შესახებ არაფერს იუწყებიან.

გასულ ღამით დრონებით შეტევა იყო უკრაინაზეც. დანგრეული და დაზიანებულია სახლები. ქალაქ ხარკოვში დაიღუპა სულ მცირე 4 ადამიანი და 35 დაიჭრა.

ერთი ადამიანი დაშავდა კიევში და ერთი - ზაპოროჟიეს ოლქში.