radiotavisupleba ახალი ამბები 
რუსეთის ჯარებმა ათიდან თერთმეტი სექტემბრის ღამით უპილოტო საფრენი აპარატებით შეტევა მიიტანეს უკრაინის დედაქალაქ კიევზე.
ქალაქის სამხედრო ადმინისტრაციის ცნობით, შეტევის შედეგად კიევის დნეპრის რაიონში ხანძარი გაუჩნდა 9-სართულიან სახლს. დაშავდა სულ მცირე 8 ადამიანი.
დრონებით შეტევა იყო კიევის ოლქზეც. ადგილობრივი სამხედრო ადმინისტრაციის ინფორმაციით, ერთი ადამიანი დაიღუპა და ორი დაშავდა. ბუჩის, ფასტოვის და ობუხოვის რაიონებში დაზიანებულია 17 ობიექტი, მათ შორის კერძო სახლები და სასაწყობე და სამრეწველო შენობები.
ადმინისტრაციას არ დაუკონკრეტებია, რომელი საწარმოები და საწყობები იყო რუსეთის ჯარების სამიზნე.
