radiotavisupleba ახალი ამბები 
რუსეთის ჯარებმა ექვსიდან შვიდი ოქტომბრის ღამით უკრაინაზე მორიგი მასირებული შეტევა დაიწყეს. საჰაერო განგაში ღამის სამი საათისთვის გამოცხადდა.
უკრაინის საჰაერო ძალების ინფორმაციით, მოწინააღმდეგემ ბალისტიკური და ფრთოსანი რაკეტები და უპილოტო საფრენი აპარატები გამოიყენა.
ადგილობრივი ხელისუფლების წარმომადგენლებმა 7 ოქტომბერს გამთენიისას სოციალური ქსელებით დაიწყეს პირველადი შედეგების გამოქვეყნება. კიევის მერის, ვიტალი კლიჩკოს ცნობით, ქალაქის რამდენიმე რაიონში დარტყმა იყო არასაცხოვრებელ შენობებსა და საწყობებზე. კიევში ხანძრებია.
დნეპროპეტროვსკის ოლქის სამხედრო ადმინისტრაციის ხელმძღვანელ ოლექსანდრ განჟას ინფორმაციით, რუსეთის ჯარებმა ქალაქ დნეპრში სამრეწველო საწარმოს დაარტყეს. განჟას კონკრეტული საწარმო არ დაუსახელებია.
ზაპოროჟიეს ოლქის სამხედრო ადმინისტრაციის ხელმძღვანელ მიხაილო სემიკინის ცნობით, ქალაქ ზაპოროჟიეში შეტევა იყო სატრანსპორტო ინფრასტრუქტურის ობიექტზე. კონკრეტული ობიექტი არც მას დაუსახელებია.
- 6 ოქტომბერს უკრაინის პრეზიდენტმა ვოლოდიმირ ზელენსკიმ დაზვერვის მონაცემებზე დაყრდნობით განაცხადა, რომ რუსეთი უკრაინაზე მორიგი მასირებული შეტევისთვის ემზადება.
