საქართველომ სტუმრად სომხეთის ნაკრები 0:3 დაამარცხა

ვილი სანიოლის გუნდმა ანგარიშით 0:3 იმარჯვა. ანგარიში 33-ე წუთზე გიორგი ქოჩორაშვილმა გახსნა. სულ რაღაც ოთხ წუთში გიორგი მიქაუტაძემ ანგარიში ორამდე გაზარდა.

მეორე ტაიმი კვლავ ქართველი ფეხბურთელების უპირატესობით წარიმართა. 59-ე წუთზე გიორგი ჩაკვეტაძის საგოლე გადაცემით დუბლი გაიფორმა გიორგი მიქაუტაძემ, რაც მისთვის ნაკრების შემადგენლობაში მე-18 გოლია.

ამ გოლით მიქაუტაძე საქართველოს ნაკრების საუკეთესო ბომბარდირთა სიაში მეორე ადგილზე გადავიდა და მხოლოდ შოთა არველაძეს ჩამორჩება (26).

ეს საქართველოს ნაკრების პირველი გამარჯვებაა 10 სექტემბერს ალბანეთის წინააღმდეგ სტუმრად მოპოვებული გამარჯვების შემდეგ.

საპასუხო შეხვედრა თბილისში, „დინამო არენაზე“, 23 მარტს გაიმართება.