ტრამპი აშშ-ჩინეთის სავაჭრო მოლაპარაკებებს „მეგობრულს“ და „კონსტრუქციულს“ უწოდებს

აშშ-ის პრეზიდენტი დონალდ ტრამპი აცხადებს, რომ შვეიცარიაში ამერიკელ და ჩინელ ოფიციალურ პირებს შორის მოლაპარაკებების პირველი დღის შემდეგ აშშ-ჩინეთის სავაჭრო ურთიერთობებში „სრული გადატვირთვა“ მოხდა.

სოციალურ მედიაში გამოქვეყნებულ პოსტში აშშ-ის პრეზიდენტმა მოლაპარაკებები „ძალიან კარგად“ შეაფასა და თქვა, რომ ცვლილებებს „მეგობრული, მაგრამ კონსტრუქციული მიდგომით“ ათანხმებენ.

ვაშინგტონსა და პეკინს შორის სავაჭრო ომის მას შემდეგ გამწვავდა, რაც აშშ-ის პრეზიდენტმა მიერ ამერიკში ჩინეთიდან იმპორტირებულ პროდუქციაზე 145%-იანი ტარიფები დააწესა. ჩინეთმა პასუხოდ აშშ-ის ზოგიერთ საქონელზე 125%-იანი ტარიფები შემოიღო.

რამდენიმეთვიანი დაპირისპირების შემდეგ, ორი ქვეყნის წარმომადგენლები ერთმანეთს ჟენევაში ხვდებიან.

ამჟამად აშშ-ის პრეზიდენტის პოსტის გარდა, მოლაპარაკებებზე სხვა ბევრი არაფერია ცნობილი. ერთმანეთს ჩინეთის ვიცე-პრემიერი ჰე ლიფენგი და აშშ-ის ფინანსთა მინისტრი სკოტ ბესენტი ხვდებიან.