ტრამპი და ზელენსკი ერთმანეთს რომში პაპ ფრანცისკეს დაკრძალვამდე შეხვდნენ

ინფორმაცია, რომელიც წყაროებზე დაყრდნობით გავრცელდა დასავლურ მედიაში, უკრაინის პრეზიდენტის პრესმდივანმა დაადასტურა.

სერჰი ნიკიფოროვმა, ზელენსკის ადმინისტრაციის პრესმდივანმა განაცხადა, რომ შეხვედრა რამდენიმე წუთს გაგრძელდა.

ვატიკანში წყაროებზე დაყრდნობით Sky News-ი იუწყება, რომ ორი ლიდერი შეთანხმდა მოლაპარაკებების გაგრძელებაზე დაკრძალვის შემდეგ.

ტრამპი და ზელენსკი აქამდე ერთმანეთს არ შეხვედრიან 28 თებერვლის შემდეგ - მას შემდეგ, რაც ოვალურ კაბინეტში ლიდერებს შორის შელაპარაკება მოხდა ვიცეპრეზიდენტ ჯეი დი ვენსის მონაწილეობით.

რომის პაპის ფრანცისკე 2025 წლის 21 აპრილს 88 წლის ასაკში გარდაიცვალა. მას დღეს კრძალავენ.

მათ გარდა დაკრძალვის ცერემონიალზე იმყოფებიან სხვა მსოფლიო ლიდერები - ბრიტანეთის პრემიერ-მინისტრი კირ სტარმერი, საფრანგეთის პრეზიდენტი ემანუილ მაკრონი და სხვები.

ვატიკანში გაემგზავრა მიხეილ ყაველაშვილიც.