ტრამპი ზელენსკის გაუბრაზდა (ვიდეო)

წაკითხვა: 3

უკრაინაში მშვიდობა გაურკვეველი ვადით გადაიდო – ზელენსკიმ შეხვედრა უკმაყოფილომ დატოვა, უკმაყოფილოა ტრამპიც. არ შედგა შეთანხმება არც ომის შეწყვეტის და არც კიევის ბუნებრივ წიაღისეულზე წვდომის შესახებ.

ზელენსკიმ თეთრი სახლი დროზე დარე დატოვა.

„დღეს თეთრ სახლში ძალიან მნიშვნელოვანი შეხვედრა გვქონდა. ბევრი რამ გავიგეთ, რასაც ვერასდროს გავიგებდით ასეთი დაძაბული საუბრის გარეშე. გასაოცარია ის, რაც მოჰყვება თან ემოციებს და მე მივედი დასკვნამდე, რომ პრეზიდენტი ზელენსკი არ არის მზად მშვიდობისთვის, თუ ამერიკა ჩართული იქნება, რადგან ის გრძნობს, რომ ჩვენი ჩართულობა მას დიდ უპირატესობას ანიჭებს მოლაპარაკებებში. მე არ მინდა უპირატესობა, მე მინდა მშვიდობა. მან უპატივცემულობა გამოიჩინა შეერთებული შტატების მიმართ ამ ძვირფას ოვალურ კაბინეტში. მას შეუძლია დაბრუნდეს, როცა მზად იქნება მშვიდობისთვის“, – განაცხადა დონალდ ტრამპმა.

დახურული შეხვედრის დასრულების შემდეგ ტრამპმა და ზელენსკიმ უკვე საჯარო შეხვედრა გამართეს მედიასთან, რომელიც ასევე დაძაბული იყო. ტრამპმა ზელენსკი საჯაროდაც გააკრიტიკა.

პოსტის ნავიგაცია