radiotavisupleba ახალი ამბები 
უკრაინის პარლამენტმა, ვერხოვნა რადამ მხარი დაუჭირა პრემიერ-მინისტრად სერჰი კორეცკის დანიშვნას. მისი კანდიდატურა პრეზიდენტმა ვოლოდიმირ ზელენსკიმ პარლამენტს 15 ივლისს წარუდგინა.
16 ივლისს გამართული კენჭისყრის შედეგად, პარლამენტი ხმათა უმრავლესობით(289 მომხრე) დაეთანხმა პრეზიდენტის გადაწყვეტილებას პრემიერ-მინისტრად სერჰი კორეცკის დანიშვნის შესახებ.
48 წლის კორეცკი მანამდე ხელმძღვანელობდა ნავთობისა და გაზის მოპოვების, ტრანსპორტირებისა და გადამუშვების სახელმწიფო კომპანია „ნაფტოგაზს“.
ორი დღით ადრე, 14 ივლისს უკრაინის პარლამენტმა მხარი დაუჭირა პრემიერ-მინისტრის პოსტიდან იულია სვირიდენკოს გათავისუფლებას, რასაც ავტომატურად მოჰყვა ყველა მინისტრის გადადგომა. საკადრო ცვლილებების ინიციატორი პრეზიდენტი ვოლოდიმირ ზელენსკი იყო.
