"ფანის საცემადაც კი მზადაა" - დენა უაითი მერაბ დვალიშვილს იცავს

UFC-ის არაქართველ მაყურებლებში პოპულარულია აზრი, რომ მერაბ დვალიშვილს უმარ ნურმაგომედოვთან დაპირისპირების ძალიან ეშინოდა და ყველანაირად ცდილობდა, რომ ბრძოლა სხვა მეტოქესთან ჩაენიშნა.

ამას გამოეხმაურა ორგანიზაციის პრეზიდენტი, დენა უაითი, რომელმაც ყოველივე ამას შეთქმულების თეორია უწოდა და მერაბ დვალიშვილი კრიტიკოსებისგან დაიცვა.

ვერ დავიჯერებ იმას, რომ UFC-ის მებრძოლებს ვინმესთან ჩხუბის ეშინიათ. მერაბზე ასეთი რაღაცების თქმა არასწორია, რადგან ის მზად იყო, რომ ტრიბუნაზე ასულიყო და ფანთან ეჩხუბა. მებრძოლებს არავისი ეშინიათ, თუმცა ყველა მათგანს პარანოია სჭირს. ისინი ფიქრობენ, რომ ორგანიზაცია მათ წინააღმდეგაა, სინამდვილეში კი ისეთი ჩხუბების ჩანიშვნას ვცდილობთ, რომელთა ნახვაც მაყურებელს ყველაზე მეტად სურს.