ცნობილია „იმედის“ იმ თანამშრომლების ვინაობა, ვისთანაც ელიზბარაშვილს კონფლიქტი მოუვიდა

კუჭაშვილს „იმედის“ სოციალურ ქსელში პოდკასტი „FAKE კონტროლი“ მიჰყავს. ინფორმირებული წყარო რადიო თავისუფლებას უდასტურებს, რომ ამავე საქმეში ფიგურირებენ პოდკასტის თანაწამყვანები: ნიკა კლდიაშვილი და სანდრო გამსახურდია. გამსახურდია „იმედის კვირისთვისაც“ ამზადებს სიუჟეტებს.

კუჭაშვილთან, გამსახურდიასთან და კლდიაშვილთან ერთად კიდევ ვინ იმყოფებოდა 30 აგვისტოს რესტორან „სხვაში“, რადიო თავისუფლებამ ამ ეტაპზე ვერ გაარკვია:

• არც თამაზ ელიზბარაშვილის ადვოკატი ლექსო სვიმონიშვილი და არც შაკო კუჭაშვილი არ ასახელებენ იმ პირების ვინაობას, ვინც ამ საქმეში ფიგურირებენ.
• არც ერთ მათგანს არ უარყვია, რომ საქმეში ფიგურირებენ კლდიაშვილი და გამსახურდიაც.

რადიო თავისუფლება ცდილობდა სანდრო გამსახურდიასთან დაკავშირებას, მან სატელეფონო ზარებს არ უპასუხა.

მასალა განახლდება