"ძველებურად ძლიერი აღარ არის" - იტალიელი ჟურნალისტის კრიტიკა კვარაცხელიას

ლაციოსთან განცდილმა ორმა მარცხმა იტალიელი ჟურნალისტები ძალიან გააღიზიანა, რომლებმაც ნაპოლი და მისი ლიდერები კრიტიკის ქარცეცხლში გაატარეს.

ანტონიო კონტეს და რომელუ ლუკაკუს გაკრიტიკების პარალელურად, კრიტიკა შეხვდა ხვიჩა კვარაცხელიასაც. მაგალითად, Sky Sport-ის ჟურნალისტი, ფაბიო კარეზა თვლის, რომ ნაპოლის გულშემატკივარი ძველებურ ხვიჩას ვეღარ ხედავს, რაც გუნდის წარუმატებლობის ერთ-ერთი მიზეზი გახლავთ.

ხვიჩა კვარაცხელია აღარ არის ისეთი ძლიერი, როგორიც სკუდეტოს მოგების პერიოდში იყო. ის კვლავ აკეთებს ლამაზ რაღაცებს, თუმცა ეს ყველაფერი უკვე ნორმალურს და ჩვეულებრივს ემსგავსება.