წარმატება დაუფასდა - ვახტანგ სალიას სატრანსფერო ღირებულება ნახევარი მილიონით გაიზარდა!

სატრანსფერო ვებსაიტ Transfermarkt-ზე ეროვნულ ლიგაში მოთამაშე ფეხბურთლთა ღირებულებები განახლდა.

ქართულ ჩემპიონატში ყველაზე ძვირადღირებული ფეხბურთელი 17 წლის დინამოელი ვახტანგ სალიაა, რომლის ფასმაც ნახევარი მილიონით მოიმატა და ამჟამად 800 ათასი ევროა.

სალია მომავალი წლის ზაფხულში შეუერთდება პრემიერლიგურ "ნიუკასლს".

უნდა აღინიშნოს, ასევე სალიას თანაგუნდელის, 16 წლის საბა ხარებაშვილის მნიშვნელოვანი ზრდაც, რომლის ფასიც ვახტანგის მსგავსად ნახევარი მილიონითაა გაზრდილი და ასევე, როგორც ზემოთ აღნიშნული, 800 ათას ევროდაა შეფასებული.