საქართველომ პარიზის პარაოლიმპიადა რეკორდული ცხრა მედლით დაასრულა

1 month ago 22

საქართველომ პარიზის პარაოლიმპიური თამაშები რეკორდული ცხრა მედლით დაასრულა, მათ შორის ერთი ოქრო, ოთხი ვერცხლი და ოთხი ბრინჯაო მოიპოვა. ქვეყანას 14 სპორტსმენი ჰყავდა, რომლებიც პარიზის პარაოლიმპიურ თამაშებზე სპორტის ექვს სახეობაში მონაწილეობდნენ.

8 სექტემბერს, პარიზის პარაოლიმპიადის ბოლო დღეს, კიდევ ერთმა ქართველმა სპორტსმენმა, აკაკი ჯინჭარაძემ პარა წოლჭიმში (+107 კგ) იასპარეზა და ბრინჯაოს მედალი მოიპოვა.

წინა დღეს, 7 სექტემბერს, ვერცხლის მედალი კიდევ ერთმა ქართველმა პარაძიუდოისტმა რევაზ ჩიკოიძემ (+90 კგ – J2) მოიპოვა მას შემდეგ, რაც ფინალურ ორთაბრძოლაში თურქ კონკურენტ ბოლუკბაშისთან დამარცხდა.

ქვემოთ ჩამოთვლილია ქართველი პარაოლიმპიური სპორტსმენები, რომელთაც პარიზის პარაოლიმპიური თამაშებიდან სამშობლოში მედლები ჩამოიტანეს:

ანა ჯაფარიძე – ბრინჯაოს მედალი პარატაეკვანდოში
გიგა ოჩხიკიძე – ოქროს მედალი ბირთვის კვრაში
ნინო თიბილაშვილი – ბრინჯაოს მედალი ეტლით ფარიკაობაში
ვლადიმერ ჭინჭარაული – ვერცხლის მედალი პარასროლაში
ზურაბ ზურაბიანი – ვერცხლის მედალი პარაძიუდოში
გიორგი ქალდანი – ვერცხლის მედალი პარაძიუდოში
ინა ქალდანი – ბრინჯაოს მედალი პარაძიუდოში
რევაზ ჩიკოიძე – ვერცხლის მედალი პარაძიუდოში
აკაკი ჯინჭარაძე – ბრინჯაოს მედალი პარა წოლჭიმში.

საქართველოს პრეზიდენტმა სალომე ზურაბიშვილმა 13 სექტემბერს ორბელიანების სასახლეში ქართველი ოლიმპიელი და პარაოლიმპიელი სპორტსმენების დაჯილდოების ცერემონია დანიშნა.

პრეზიდენტმა მანამდე უარი თქვა ოლიმპიელი სპორტსმენებისთვის მთავრობის მიერ ორგანიზებულ ცერემონიალზე დასწრებაზე, და დახურულ, არასაჯარო ღონისძიებაზე დასწრებაზე უარის თქმის მიზეზად ის დაასახელა, რომ მას ამის თაობაზე მხოლოდ რამდენიმე საათით ადრე აცნობეს. მან ასევე აღნიშნა, რომ პარაოლიმპიური თამაშები იწყებოდა და უსამართლო და დისკრიმინაციული იქნება პარაოლიმპიელი სპორტსმენების ცალკე აღიარება. შედეგად, იგი ახლა ერთობლივ დაჯილდოების ცერემონიას გამართავს როგორც ოლიმპიელი, ისე პარაოლიმპიელი სპორტსმენებისთვის.

ასევე წაიკითხეთ: