ჩეხი ჟურნალისტი საქართველოში არ შემოუშვეს

5 hours ago 3

ჩეხი ჟურნალისტი რეი ბეისლი 22 ოქტომბერს საქართველოში არ შემოუშვეს. ამის შესახებ ინფორმაცია მან სოციალურ ქსელში გაავრცელა და სასაზღვრო პოლიციის მიერ მისთვის გადაცემული დოკუმენტის ფოტოც გამოაქვეყნა, რომელშიც ნათქვამია, რომ მას შესვლაზე უარი იმიტომ ეთქვა, რომ „არ აკმაყოფილებს საქართველოს კანონმდებლობით განსაზღვრულ სხვა მოთხოვნებს“. ბეისლი აქტიურად აშუქებდა რამდენიმე თვის წინ „უცხოელი აგენტების“ კანონის წინააღმდეგ მიმდინარე აქციებს.

„გამარჯობა ქართველებო, ჟურნალისტებო და ჩეხებო. დღეს 19:30 საათზე უარი მითხრეს საქართველოში შესვლაზე, ყოველგვარი დასაბუთების ან დამატებითი ახსნა-განმარტების გარეშე. ეს მიუღებელია, ადგილობრივმა სასაზღვრო ძალებმაც კი არ იციან, რატომ არ შემიშვეს. ვისაც შეუძლია დამეხმაროს, გთხოვთ მომწეროთ“, – დაწერა ჟურნალისტმა ტვიტერზე.

მისი პოსტიდან მალევე, მისმა პარტნიორმა კომენტარი დაწერა, რომელშიც ნათქვამია, რომ ბეისლის ტელეფონი და პირადი ნივთები ჩამოართვეს. მოგვიანებით მან კიდევ ერთი კომენტარი დატოვა, სადაც ნათქვამია, რომ ის ჩეხეთის საელჩოს დაუკავშირდა და მათ ჟურნალისტი ჯერ ვერ იპოვეს. მისი ადგილსამყოფელის შესახებ ინფორმაცია არცერთი წყაროდან არ ყოფილა.

Hello Georgians, Journalists and Czechs. Today at 19:30 I was refused entry into the country of Georgia without reasoning or any further explanation this is unacceptable even the local border force doesn’t know why I wasn’t allowed entry. Anyone who can help please write to me. pic.twitter.com/4HGh3xY9ma

— RayBaseley 🇺🇦🇬🇪 (@RayBaseley) October 22, 2024

„სამოქალაქო საქართველო“ საქართველოს შინაგან საქმეთა სამინისტროს დაუკავშირდა და მასალა მათი პასუხის მიღებისთანავე განახლდება.

ასევე წაიკითხეთ:

This post is also available in: English (ინგლისური) Русский (რუსული)

სრულად წაკითხვა