„ქართულმა ოცნებამ“ პროპორციული სიის პირველი ოცეული დაასახელა

„ქართულმა ოცნებამ“ 10 სექტემბერს ოქტომბრის საპარლამენტო არჩევნებისთვის პროპორციული სიის პირველი ოცეული წარადგინა. სიის სათავეში პარტიის დამფუძნებელი და საპატიო თავმჯდომარე ბიძინა ივანიშვილია, ხოლო მის შემადგენლობაში მოქმედი დეპუტატები, ოფიციალური პირები, ასევე ოლიმპიური ჩემპიონები და ახალი სახეები არიან.  

სიის მეორე ნომერი პრემიერ-მინისტრი ირაკლი კობახიძეა. შემდეგ მოდიან „ქართული ოცნების“ თავმჯდომარე ირაკლი ღარიბაშვილი, პარლამენტის თავმჯდომარე შალვა პაპუაშვილიდა უმრავლესობის ლიდერი მამუკა მდინარაძე.

სიაში მხოლოდ ხუთი ქალი კანდიდატია, ისევე როგორც წინა საარჩევნო სიაში. მმართველი პარტიის სიაში ასევე შედის ორი ოლიმპიური ჩემპიონი და რამდენიმე ახალი სახე ბიზნესისა და ხელოვნების სფეროებიდან. „ქართული ოცნების“ ოცეულს შორის „ხალხის ძალის“ ორი წევრიცაა.

წინა საარჩევნო სიიდან „ქართული ოცნების“ ახალ სიაში მხოლო შვიდი კანდიდატი მოხვდა.

მასალა განახლდება…

ასევე წაიკითხეთ:

• 10/09/2020 – „ქართული ოცნება“ პროპორციული სიის პირველ ოცეულს ასახელებს
• 09/09/2016 – ქართული ოცნების საარჩევნო სია

This post is also available in: English (ინგლისური)