#OK! გზა ბავშვობის ოცნებიდან წარმატებულ კარიერამდე – მარიამ მიხელიძე

მნიშვნელოვანია, როცა საკუთარ საქმეს გულით ემსახურები. ჩვენი დღევანდელი რესპონდენტი სწორედ ასეთი ადამიანია – წარმატებული ექიმი-კოსმეტოლოგი, მარიამ მიხელიძე, რომელსაც 18 წლიანი გამოცდილება აქვს ამ სფეროში. უმრავლესობა მას მარიამ ოთოსი-ს სახელით იცნობს (ოთო-სი მამის სახელი აირჩია ფსევდონიმად). მისი ესთეტიკური კაბინეტი „MariamOtosi Aesthetic Room“ გამოირჩევა სანდოობით და პაციენტისადმი ინდივიდუალური მიდგომით. როგორც მარიამი აღნიშნავს, კმაყოფილი პაციენტი მისთვის უმთავრესია. ამ ინტერვიუში ის გაგვიზიარებს თავის პროფესიულ გზას და ღირებულებებს.

როდის დაინტერესდით პირველად კოსმეტოლოგიით და რა გზა გაიარეთ დღევანდელ დღემდე?

კოსმეტოლოგიით დაინტერესება ჩემთვის არა მხოლოდ პროფესიული არჩევანი, არამედ შინაგანი მოწოდება იყო. ეს დაინტერესება სათავეს ღრმა ბავშვობიდან იღებს, წლების განმავლობაში მიზანმიმართულად და სიღრმისეულად განვავითარე.

პროფესიული გზა არ ყოფილა მხოლოდ სწავლისა და პრაქტიკის პროცესის გადალახვა, ეს იყო მუდმივი ზრდის, კვლევისა და ახალი მიდგომების ათვისების პროცესი, მივიღე სამედიცინო განათლება, პარალელურად გავიარე სპეციალიზებული კურსები კოსმეტოლოგიაში, დერმატოლოგიურ ესთეტიკურ პრაქტიკაში. დღემდე აქტიურად ვმონაწილეობ საერთაშორისო კონგრესებსა და ტრენინგებში, რადგან ვთვლი, რომ წარმატებული სპეციალისტი ყოველთვის უნდა ვითარდებოდეს.

თქვენ ასევე ქმნით თავის მოვლის საშუალებებს…

დიახ, ჩემი პრაქტიკული გამოცდილებისა და მცენარეული მედიცინისადმი სიყვარულის საფუძველზე შევქმენი საავტორო ხაზი — Mariam Otosi Natural Facial Treatment. ეს არის ბუნებრივი ინგრედიენტებით დამზადებული თავის მოვლის საშუალებები, რომლებიც მიზნად ისახავს კანის ჯანმრთელობის აღდგენას, გაძლიერებას და ბუნებრივი ბალანსის შენარჩუნებას. თითოეული ფორმულა გაერთიანებულია პროფესიულ ცოდნასა და ბუნების განძს შორის, რათა მომხმარებელმა მიიღოს ხილული შედეგი და სიამოვნება ერთდროულად.

რა პროცედურებს სთავაზობთ მომხმარებლებს?

ჩემს ესთეტიკურ კაბინეტში „MariamOtosi Aesthetic Room“-ში  პაციენტებს ვთავაზობ სხვადასხვა კოსმეტოლოგიურ მომსახურებას, როგორიცაა: პილინგი, სახის ღრმა ჰიდროფილური წმენდა, ბიორევიტალიზაცია, მეზოთერაპია, ბოტულინოთერაპია, პლაზმოთერაპია, სახის და ტუჩის ფილერით მოდელირება, მეზოძაფების პროცედურა და სხვა.

რომელია დღესდღეობით ყველაზე მოთხოვნადი პროცედურები და როგორია ზოგადი ტენდენციები კოსმეტოლოგიაში?

დღეს ესთეტიკურ მედიცინაში ბევრი პროცედურებია მოთხოვნადი, მათ შორის ბოტულინოთერაპია, ღრმა დატენიანება ლიფტინგის ეფექტით, მეზოძაფების პროცედურა, ფილერით მოდელირება, როგორც სახის ასევე ტუჩის.

რაც შეეხება ბოლო დროის ტენდენციებს კოსმეტოლოგიაში, გახლავთ ეგზოსომები, რაც იწვევს კანის რეგენერაციასა და სტიმულირებას. ასევე, ვიტამინური დეფიციტების პრევენცია და მკურნალობა, PRP თერაპია.

როგორია თქვენი მიდგომა და სამუშაო პრინციპი?

ყველაზე მნიშვნელოვანია კანის სწორი დიაგნოსტიკა, რა მორფო ტიპია, რის დეფიციტს განიცდის კანი. მთავარი პრინციპი, როგორც ექიმი კოსმეტოლოგისთვის გახლავთ, ინდივიდუალური მიდგომა თითოეული პაციენტისადმი. მაქვს საკუთარი ტექნიკით მუშაობის პრინციპი სხვადასხვა პრეპარატებით, რაც ძალიან მეხმარება სასურველი, ეფექტური შედეგის მიღებაში.

რა არის თქვენი ნიშა? რა გამოგარჩევთ სხვა კოსმეტოლოგებისგან?

ჩემთვის მთავარია არ ჩამოვრჩე სიახლეებს, ჩვენი პროფესია მუდმივად განვითარებას, საქმისადმი უსაზღვრო სიყვარულს და პასუხისმგებლობას მოითხოვს.

ჩემს ესთეტიკურ კაბინეტში არსებული ყველა პრეპარატი პრემიუმ ხარისხისაა. ვთანამშრომლობ ოფიციალურ მომწოდებელ კომპანიებთან, რომლებსაც წარმოდგენილი აქვთ ყველა პრეპარატის ლიცენზია, რომელიც გვიდასტურებს პრეპარატის მაღალ ხარისხს და უსაფრთხოებას.

გარდა ამისა, მნიშვნელოვანია მოვუსმინოთ პაციენტს, რა სურს მას და რის საჭიროებას ითხოვს პაციენტის კანი, ასაკის ტიპის და მდგომარეობის მიხედვით და შემდეგ ავიღოთ მკურნალობის სწორი კურსი.

რა რჩევებს მისცემდით ქალებს?

მეტი დრო დაუთმეთ საკუთარ თავს, ჯანსაღი ცხოვრების წესს. იყავით ლამაზები და თავდაჯერებულები.

სამომავლო გეგმები

მალე დავასრულებ წიგნს „კლასიკური კოსმეტოლოგიის საფუძვლები“. მისი თანაავტორი გახლავთ ჩემი შვილის მეუღლე, ასევე ჩემი კოლეგა დაიანა დარციმელია, ვფიქრობთ, რომ ამ პროფესიის ადამიანებისთვის წიგნი ძალიან საინტერესო და პროდუქტიული იქნება.

მის: ბერი გაბრიელ სალოსის 120

ტელ: 558 31 31 84

ტექსტი: სოფიო მალანია

ფოტო: ალექსეი სეროვი