ანა დოლიძის პარტია ტოვებს „ძლიერი საქართველოს“ კოალიციას

„ჩვენი მთავარი ამოცანა იყო, რომ არ მიგვეცა საშუალება ბიძინა ივანიშვილისთვის მოეპარა თქვენი ხმები და დაეზიანებინა საქართველოს ევროპული კურსი. ამ მიზნით გვერდით გადავდეთ ჩვენი ამბიციები და ჩვენი მიზნები. ჩვენი მთავარი ამოცანა იყო საქართველოს ინტერესები და სიყვარული...

ახლა დრო არის, რომ პარტია ,,ხალხისთვის” დაუბრუნდეს საკუთარ მიზნებს და ამოცანებს“, - აცხადებს ანა დოლიძე.

დაახლოებით ერთი წლის წინ, 2024 წლის ივლისში ცნობილი გახდა, რომ პარტიები „ლელო“, „ანა დოლიძე - ხალხისთვის“ და მოძრაობა „თავისუფლების მოედანი“ 2024 წლის 26 ოქტომბრის საპარლამენტო არჩევნებში ერთიანი სიით მიიღებდა მონაწილეობას. ოთხივე ოპოზიციური პარტია, რომელმაც ცესკოს მონაცემებით, ამ არჩევნებზე 5%-იანი ბარიერი გადალახა, შედეგებს გაყალბებულს უწოდებს და უარს ამბობენ საპარლამენტო საქმიანობაზე.

კოალიცია „ძლიერი საქართველო“ დატოვა მოძრაობამ „თავისუფლების მოედანი“.