- 📅 21 მარტი | 🏟 დინამო არენა | ⌚ 21:00 | ⚽ საქართველო V ლუქსემბურგი
- 'გვაქვს გეგმა, ექსპერიმენტების დრო არ არის' - რა თქვა სანიოლმა მატჩის წინ
- PREVIEW | ყველაფერი ან არაფერი! უნდა მოვიგოთ, სხვა ვარიანტი არ განიხილება
საქართველოს ნაკრები ევროპის ჩემპიონატის საგზურთან მხოლოდ ორ ნაბიჯშია! დღეს ეროვნული გუნდი "დინამო არენაზე" ევროპის ჩემპიონატის პლეი ოფის ნახევარფინალში ლუქსემბურგს უმასპინძლებს. საქართველოს ფეხბურთის ისტორიაში ეს ერთ-ერთი ყველაზე მნიშვნელოვანი შეხვედრაა და ამჯერად, შანსი აუცილებლად უნდა გამოვიყენოთ!
ამ ისტორიული მატჩისთვის ვილი სანიოლმა სასტარტო შემადგენლობა დაასახელა. როგორც მოსალოდნელი იყო, ბოლო შეხვედრების მსგავსად, საქართველოს ნაკრები 3-4-1-2 სისტემით ითამაშებს.
საქართველო (3-4-1-2): მამარდაშვილი - კვერკველია, კაშია, დვალი - კაკაბაძე, ქოჩორაშვილი, კიტეიშვილი, შენგელია - ჩაკვეტაძე - ზივზივაძე, მიქაუტაძე.
ლუქსემბურგი (5-3-2): მორისი - პინტო, შანო, მაჰმუტოვიჩი, ბონერი, იანსი - ბარეირო, მარტინსი - ოლესენი - როდრიგესი, სანჩესი.
როგორც უკვე იცით, ამ შეხვედრას დისკვალიფიკაციის გამო ხვიჩა კვარაცხელია გამოტოვებს, დღეს დილით კი ცნობილი გახდა, რომ ფრანგმა სპეციალისტმა 23-კაციან განაცხადში ანზორ მექვაბიშვილი და საბა საზონოვი არ შეიყვანა.
მოგვიანებით, 23:45 საათზე ათენში საბერძნეთი ყაზახეთს შეხვდება, რომელშიც ევროპის ჩემპიონატის პლეი ოფის მეორე ფინალისტი გახდება ცნობილი.