ბრიტანეთის საიდუმლო სადაზვერვო სამსახურს, წარმოშობით ქართველი ქალი უხელმძღვანელებს

წაკითხვა: 2

ბრიტანეთის პრემიერ-მინისტრმა კირ სტარმერმა გამოაცხადა ისტორიაში პირველი ქალი საიდუმლო დაზვერვის სამსახურის (MI6) ხელმძღვანელად დანიშვნის შესახებ.

ამის შესახებ ინფორმაციას BAKU.WS Bloomberg-ზე დაყრდნობით ავრცელებს .

განცხადების თანახმად, 47 წლის ბლეიზ მეტრეველი MI6-ის ახალი ხელმძღვანელი გახდება და ამ თანამდებობაზე შემოდგომაზე რიჩარდ მურს შეცვლის. ამჟამად ის ამ სადაზვერვო სამსახურში ტექნოლოგიებისა და ინოვაციების გენერალური დირექტორია.

„გაერთიანებული სამეფო უპრეცედენტო მასშტაბის საფრთხეების წინაშე დგას – იქნება ეს აგრესორები, რომლებიც ჩვენს წყლებში თავიანთ სადაზვერვო გემებს აგზავნიან, თუ ჰაკერები, რომელთა დახვეწილი კიბერშეთქმულებები ჩვენი საჯარო სერვისების ჩაშლას ისახავს მიზნად“, – განაცხადა ბრიტანეთის მთავრობის მეთაურმა.

მეტრეველი MI6-ის მე-18 ხელმძღვანელი და ამ თანამდებობაზე პირველი ქალი იქნება, რომელსაც, როგორც წესი, ასო „C“-ით მოიხსენიებენ და არა კოდური სახელით „M“, რომელსაც ჯუდი დენჩი იყენებდა ჯეიმს ბონდის ფილმებში იან ფლემინგის მიერ შექმნილი გამოგონილი MI6-ის უფროსის განსახიერებისას.

პოსტის ნავიგაცია