- ეკსტრაკლასა | კრაკოვია 2:2 ლოძი
- ოთარ კაკაბაძემ სეზონში პირველი გოლი გაიტანა
პოლონეთის ჩემპიონატის 27-ე ტურში ოთარ კაკაბაძემ ბრწყინვალე გოლი გაიტანა.
ქართველი მცველის კრაკოვია შინ ლოძს დაუპირისპირდა, რომელსაც ორჯერ უგებდა, მაგრამ საბოლოოდ მაინც ქულას დასჯერდა - 2:2.
კაკაბაძემ მოედანზე 90 წუთი გაატარა და სეზონში პირველი გოლი გაიტანა. 77-ე წუთზე ოთარმა მეტოქეს ბურთი მისსავე ნახევარზე წაართვა და საჯარიმოს მისადგომებიდან ძალიან ძლიერად, რაც მთავარია, ზუსტად დაარტყა. ქართველის გოლით კრაკოვია იმ დროისთვის დაწინაურდა (2:1), თუმცა ანგარიში დარჩენილ დროში ვერ შეინარჩუნა.
აღსანიშნავია, რომ 62-ე წუთიდან, როდესაც მოედანი მიხალ რაკოშიმ დატოვა, კაკაბაძე კაპიტნის სამკლავურით თამაშობდა. მას ეკსტრაკლასას მიმდინარე სეზონში 18 მატჩში თითო გოლი და საგოლე პასი აქვს აქტივში.
კრაკოვია 29 ქულით მე-12 ადგილზეა, მომდევნო ტურის მატჩს კი 14 აპრილს, სტუმრად გათამაშების ლიდერ იაგელონიასთან ჩაატარებს.