გამართული ქსელი და Wi-Fi: უალტერნატივო სერვისი ბიზნესის ზრდისთვის

თანამედროვე ბიზნეს სამყაროში წარმატება სწრაფ გადაწყვეტილებებზე, მოქნილობასა და მუდმივ კავშირზეა დამყარებული — მკაცრი იერარქიებისა და ჩაკეტილი ოფისების ეპოქა წარსულს ჩაბარდა.

იმისთვის, რომ თქვენი ბიზნეს-ქსოვილის მთლიანობა არ დაირღვეს, ბაზრის დინამიკურ მოთხოვნებთან უნდა ადაპტირდეთ, რაც წარმოუდგენელია, თუკი არ გაგაჩნიათ გამართული ქსელური ინფრასტრუქტურა და ტექნიკური სერვისი.

 ITcraft -ში პროფესიონალური ქსელური გადაწყვეტილებებისა და WiFi სერვისების შეთავაზებით, თქვენი ბიზნესის ბირთვს ვქმნით, რათა იგი დარჩეს ბაზარზე აქტუალური, უსაფრთხო და მზარდი.

ქსელური ინფრასტრუქტურა და IT გადაწყვეტილებები ბიზნესისთვის

კორპორაციული ქსელის მნიშვნელობა:

ბიზნესის უწყვეტი ფუნქციონირებისთვის IT სისტემის ძირითადი კომპონენტი კორპორაციული ქსელის ინფრასტრუქტურაა, რომელიც ემსახურება მონაცემთა დაცვას, სწრაფ და ეფექტურ თანამშრომლობას, როგორც შიდა, ისე გარე სივრცეში.

სწორედ ამიტომ, Itcraft-ის გამორჩეულ სერვისებს შორისაა:

● ქსელური არქიტექტურის დაგეგმვა: არქიტექტურის დაგეგმვის პირველ ეტაპზე

თქვენი ბიზნესის შესახებ ინფორმაციას ვაგროვებთ.

რა მიზანი აქვს მას? — ახალი ოფისის ტექნიკურად გამართვა, მომხმარებელთა გამოცდილების გაუმჯობესება, ხარჯების შემცირება, ბიზნესის გაფართოების ხელშეწყობა, თუ სხვა. ამის შემდეგ, დეტალურად ვაანალიზებთ, რა ტიპის ტექნიკური სერვისი სჭირდება ბიზნესს.

● კაბელური და უკაბელო ქსელების მოწყობა: როცა ბიზნესის საჭიროებებიდან

გამომდინარე დავადგენთ, თუ რა გზებით უნდა გადაადგილდეს თქვენი მონაცემები ერთი ადგილიდან, მეორეში — ქსელური ინფრასტრუქტურის გამართვას ვიწყებთ. კორპორაციებს, რომელთაც ყოველდღიურად დიდი რაოდენობის მონაცემთა დამუშავება მოკლე დროში უწევთ, კაბელური ქსელების მონტაჟს ვთავაზობთ. ამასთან, კაბელური ქსელები უფრო მეტადაა დაცული არაავტორიზებული წვდომისგან, თუმცა ფიზიკურად ნაკლებად მობილურია. სწორედ ამიტომ, კაბელური ქსელების მოწყობისას ჩვენი ძირითადი რესურსი ეთმობა იმას, რომ ინფრასტრუქტურა უფრო მოქნილი გავხადოთ.

უკაბელო ქსელის ყველაზე გავრცელებული ფორმა არის WI-FI, მისი მთავარი უპირატესობა კი მარტივი მობილობაა, თუმცა, უკაბელო კავშირები შედარებით ნელ სიჩქარეს გვთავაზობს და მეტად მგრძნობიარეა საფრთხისადმი, სწორედ ამიტომ, ჩვენი ძალისხმევა ქსელური უსაფრთხოების პროტოკოლის გამართვაზეა მიმართული.

● ქსელური უსაფრთხოების სისტემის შექმნა: ქსელური უსაფრთხოება ნებისმიერი ინფრასტრუქტურის საკვანძო ნაწილია, განსაკუთრებით მაშინ, როდესაც საქმე მომხმარებელთა მონაცემების დაცვას ეხება. ჩვენი მთავარი ამოცანაა, ქსელი არაავტორიზებული წვდომისგან დავიცვათ, ასევე ხელი შევუწყოთ პირადი მონაცემების კონფიდენციალურობას. უსაფრთხოების პროტოკოლების მუდმივი განახლებით თქვენი ქსელი კიდევ უფრო მეტად დაცულია.

● მონიტორინგი და მართვა: ქსელის ეფექტური ფუნქციონირებისთვის აუცილებელია მისი მუდმივი მონიტორინგი და ოპერატიული მართვა. ჩვენი მონიტორინგის სისტემები საშუალებას გაძლევთ რეალურ დროში დააკვირდეთ ქსელის გამტარუნარიანობას, მომხმარებელთა აქტივობებსა და შესაძლო შეცდომებს. მონიტორინგისა და მართვის პროცესში ვიყენებთ უახლეს ტექნოლოგიებს, რომლებიც შესაძლო რისკებს მინიმუმამდე ამცირებს.

Wi-Fi გადაწყვეტილებები ITcraft-ისგან

ქსელი და WI-FI ჩვენი ყოველდღიურობის განუყოფელი ნაწილია – Wi-fi-ს მოდემსა და როუტერს, რომელსაც დღეს ნებისმიერ სახლში ნახავთ, საკმარისი ენერგია აქვს ჩვენი რეგულარული მოთხოვნების დასაკმაყოფილებლად. თუმცა, თუკი იმავე მოწყობილობას საოფისე შენობაში, მაღაზიაში, სამედიცინო დაწესებულებაში, კაფე-რესტორნებსა თუ სასტუმროებში გამოვიყენებთ, მისი ფუნქცია მოიშლება. საჭიროა უფრო ძლიერი და მყარი მოწყობილობა იმისთვის, რომ სოციალურ გარემოში გაზრდილი მოთხოვნილებები დავაკმაყოფილოთ — სწორედ აქ გვჭირდება კორპორაციული WI-FI-ს გამართვა.

კორპორაციული დონის ქსელი სამომხმარებლო ქსელისგან განსხვავებულ პროტოკოლებსა და მენეჯმენტის მეთოდებს იყენებს, რათა გაზრდილ დატვირთვას, საფრთხესა და მოთხოვნილებას გაუმკლავდეს. იმის გამო, რომ ნებისმიერ სივრცეში ადამიანთა უმეტესობა ჯიბით ან ჩანთით მობილურ მოწყობილობას ატარებს, ხოლო მობილური კომუნიკაციების 71% Wi-Fi კავშირების საშუალებითაა მხარდაჭერილი – კორპორაციებმა უნდა გაითვალისწინონ, რომ გამართული ქსელი მომხმარებელთა უმთავრესი მოთხოვნილებაა.

სწორედ ამიტომ ITCraft-სთვის პრიორიტეტულია შემდეგი სერვისები:

● კორპორაციული Wi-Fi სისტემის დაპროექტება: თანამედროვე და მასშტაბური ქსელების შექმნა, რომლებიც ნებისმიერ დატვირთვას გაუძლებს.

● უსადენო ქსელის დაფარვის ზონების ოპტიმიზაცია: მაქსიმალური დაფარვის და უწყვეტი კავშირის უზრუნველსაყოფად.

● სტუმრების Wi-Fi სისტემების მოწყობა: უსაფრთხო და მოსახერხებელი ქსელის შექმნა, რაც თქვენს ბიზნესს მომხმარებელთა ნდობას მოუტანს.

● უსაფრთხოების პროტოკოლების დანერგვა.

დამატებითი ტექნიკური სერვისები

ITCraft-ის სერვისები მხოლოდ ქსელური ინფრასტრუქტურით არ შემოიფარგლება. თქვენი ბიზნესის ტექნოლოგიური შესაძლებლობების გასაძლიერებლად გთავაზობთ:

● IP ტელეფონს: კორპორაციული კომუნიკაციის მოქნილ და ეფექტურ საშუალებებს.

● ვიდეო მეთვალყურეობის სისტემებს: უსაფრთხოების მონიტორინგს რეალურ დროში.

● სერვერული ინფრასტრუქტურის გამართვას: მონაცემთა დამუშავებისა და შენახვის ძლიერი სისტემების შექმნას.

● მონაცემთა შენახვასა და დაცვას: უსაფრთხო საცავების მოწყობას კრიტიკულად მნიშვნელოვანი ინფორმაციისთვის.

მრავალფეროვანი ტექნიკური სერვისი, რომელსაც  ITcraft სთავაზობს თქვენს ბიზნესს, ქმნის უწყვეტ ქსელს თქვენსა და მომხმარებლებს შორის.