- კაენი 0:1 ბორდო
- ზურიკო დავითაშვილმა სეზონში მე-5 საგოლე პასი გააკეთა
საფრანგეთის ლიგა 2-ის 31-ე ტურში ზურიკო დავითაშვილის ბორდომ სტუმრად 1:0 დაამარცხა კაენი. ქართველმა შემტევმა კვლავ კარგად ითამაშა - მე-20 წუთზე ესპანელმა პედრო დიასმა გამარჯვების გოლი სწორედ მისი პასით გაიტანა. გუნდმა კი 4-მატჩიანი მოუგებელი (3 ფრე, 1 მარცხი) სერია დაასრულა.
ზურიკომ შეუცვლელად ითამაშა, მან ორჯერ დაარტყა კარისკენ (1 ზუსტი), 2 წარმატებული დრიბლინგი განახორციელა და 13-დან 7 ორთაბრძოლა მოიგო (7.4 Sofascore).
ბორდო 41 ქულით (ფედერაციის გადაწყვეტილებით, 1 ქულა დააკლდათ) მე-12 პოზიციაზეა და ამ სეზონში არაფერზე აღარ აქვს პრეტენზია და გავარდნის საფრთხეც მცირეა - 6 ქულა აშორებს ზონას. 13 აპრილს ბორდო ბასტიას უმასპინძლებს. ზურიკო დავითაშვილის ანგარიშზე სეზონში 4 გოლი და 5 საგოლე პასია.