რომში ე. წ. კანონიერი ქურდი, „ლა­ვა­ს­ოღ­ლი ბათუმელი“ დააკავეს

იტალიური მედიის ცნობით, 22 მა­ისს რო­მის „ჩამ­პი­ნოს“ აე­რო­პორ­ტში დააკავეს 43 წლის მინ­დია გო­რა­ძე – ბა­თუმ­ში და­ბა­დე­ბუ­ლი საქართველოს მოქალაქე, რომელიც კრიმინალურ წრეებში ცნობილია, როგორც „ლავასოღლი ბათუმელი“.

„ლავასოღლი“ იტა­ლი­ის სპეც­რაზმმა, სა­ჰა­ე­რო პო­ლი­ცი­ამ და სა­სა­ზღვრო სამ­სა­ხურ­მა, სა­ერ­თა­შო­რი­სო პო­ლი­ცი­ურ თა­ნამ­შრომ­ლო­ბას­თან კო­ორ­დი­ნა­ცი­ით, გერმანული სანომრე ნიშნის მქონე მანქანაში ჩაჯდომისას დააკავა. ე. წ. კანონიერი ქურდი რეჯინა კოელის ციხეში გადაიყვანეს.

„ლავასოღლი“ კრიმინალური გაერთიანების ლიდერობისა და გადასახადებისგან თავის არიდების ბრალდებით 2023 წლის სექტემბრიდან საერთაშორისო ძებნაში იმყოფებოდა.

მინდია გორაძე ბოლოს 2023 წელს დააკავეს ალბანეთის დედაქალაქ ტირანაში. მაშინ, გამოძიების მტკიცებით, საერთაშორისოდ ძებნილი „ლავასოღლი“ ტირანაში ყალბი პასპორტითა და უკრაინის მოქალაქის გვარით იმალებოდა და მას წინასაექსტრადიციო პატიმრობა შეეფარდა.

„ლავასოღლის“ საქართველოში სხვადასხვა საქმეზე, დაუსწრებლად, ჯამში 22-წლიანი პატიმრობა აქვს მისჯილი.

მინ­დია გო­რა­ძის კრი­მი­ნა­ლუ­რი ბი­ოგ­რა­ფია მო­ი­ცავ­ს სხვა­დას­ხვა და­ნა­შა­უ­ლს, მათ შორის ორ­გა­ნი­ზე­ბულ და­ნა­შა­ულ­ებს – ქურ­დო­ბას, რე­კეტ­სა და ფინანსურ მაქინაციებს.

„ლა­ვა­ს­ოღ­ლი“ გავ­ლე­ნი­ა­ნი ფი­გუ­რაა ქარ­თულ კრი­მი­ნა­ლურ სამ­ყა­რო­ში და მისი ავტორიტეტი ქვეყნის გარეთაც  ვრცელდებოდა.

მანანა ბანძელაძე

ადრე ვწერდით, რომ ალბანეთში ყველაზე გავლენიანი ქართველი „კანონიერი ქურდი“ [ლავასოღლი] დააკავეს

ალბანეთში ყველაზე გავლენიანი ქართველი „კანონიერი ქურდი“ დააკავეს

მანამდე, 2018 წელს „ლავასოღლი“ (მინდია გორაძე) თურქეთის ქალაქ ტრაპიზონში (ტრაბზონი) დააკავეს და თურქეთი მის საქართველოში ექსტრადირებას ცდილობდა