ცოლზე ძალადობის ბრალდებით პენიტენციურის უფროსი ინსპექტორი დააკავეს

სპეციალურმა საგამოძიებო სამსახურმა ძალადობის, მუქარისა და იძულების ბრალდებით სპეციალური პენიტენციური სამსახურის უფროსი ინსპექტორი პ.გ. დააკავა.

გამოძიების თანახმად, „2023 წლის ოქტომბრის თვეში, ნასვამ მდგომარეობაში მყოფმა, პ.გ.-მ, ზესტაფონში სამსახურში მიაკითხა მეუღლეს, ჩაისვა ავტომანქანაში და ეჭვიანობის ნიადაგზე ფიზიკურად იძალადა. აღნიშნულის შემდეგ იგი დაზარალებულს ავტომანქანის დაწვით და სიცოცხლის მოსპობით დაემუქრა. იმავე დღეს, სახლში დაბრუნებისას, პ.გ-მ, მეუღლის ნების საწინააღმდეგოდ, თითქოსდა მისი დამშვიდების მიზნით, ფიზიკური ძალის გამოყენებით, რამდენიმე აბი წამალი დაალევინა.“

გამოძიების ინფორმაციით, ბრალდებული მეუღლეზე არასრულწოვნის თანდასწრებითაც ძალადობდა.

სამართალდამცავს ბრალდება 48 საათში წარედგინება. დანაშაული 3-წლამდე თავისუფლების აღკვეთას ითვალისწინებს. სპეციალური საგამოძიებო სამსახური საქმეზე გამოძიებას აგრძელებს.