2024 წლის პირველ ნახევარში გაიზარდა ვიზიტების რაოდენობა რუსეთიდან ოკუპირებულ აფხაზეთში და დანარჩენ საქართველოში და პირიქით. ამავდროულად, გაიზარდა ოკუპირებული ცხინვალის რეგიონიდან ვიზიტების რაოდენობა რუსეთში. ამის შესახებ ინფორმაციას რუსეთის სამთავრობო მედია ავრცელებს რუსეთის ფედერალურ სტატისტიკურ სამსახურზე დაყრდნობით.
ოკუპირებული აფხაზეთი რუსი ტურისტებისთვის მეორე ყველაზე პოპყულარული მიმართულებაა. რუსეთიდან ვიზიტების რაოდენობამ ოკუპირებულ რეგიონში 2.1 მილიონს მიაღწია, რაც 2.5%-ით მეტია გასული წლის ამევე პერიოდთან შედარებით. ვიზიტები დანარჩენ საქართველოში (ოკუპირებული ცხინვალის რეგიონის გამოკლებით) ასევე გაიზარდა და 498.5 ათასს მიაღწია, რაც 31.3% მეტია გასულ წელთან შედარებით.
ამასთან, გაიზარდა ვიზიტების რაოდენობა ოკუპირებული აფხაზეთიდან რუსეთში – 339.6 ათასი ვიზიტით რეგიონი მეორე ადგილს იკავებს სიაში, ჩინეთის შემდეგ (დსთ-ს ქვეყნები ამ სტატისტიკაში არ მოხვდნენ). ოკუპირებული ცხინვალის რეგიონი ასევე ფიგურირებს იმ ადგილების ტოპ ათეულში, საიდანაც ყველაზე მეტი ვიზიტი განხორციელდა რუსეთში. რუსეთის ფედერალური სტატისტიკური სამსახურის მიხედვით, ტოპ-ათეულში ასევე შედის საქართველო: ვიზიტები საქართველოდან (ოკუპირებული ტერიტორიების გამოკლებით) 2.4-ჯერ გაიზარდა და 75.5 ათასს მიაღწია.
ასევე წაიკითხეთ:
- 30/01/2024 – 2023 წელს საქართველოში საერთაშორისო ვიზიტორების ყველაზე დიდი რაოდენობა რუსეთიდან დაფიქსირდა
This post is also available in: English (ინგლისური) Русский (რუსული)
Read Next
05/08/2024 - 18:18
რუსული კომპანია სოხუმის აეროპორტის გამო აფხაზეთის დე ფაქტო ხელისუფლებისგან 2.8 მილიონ დოლარზე მეტს ითხოვს
23/07/2024 - 23:32
ერგნეთში IPRM-ის 120-ე შეხვედრა გაიმართა
16/07/2024 - 19:14
რუსეთის საოკუპაციო ძალების მიერ უკანონოდ დაკავებული საქართველოს მოქალაქე გაათავისუფლეს
14/07/2024 - 13:21
რუსეთის საოკუპაციო ძალებმა საქართველოს მოქალაქე უკანონოდ დააკავეს
05/07/2024 - 21:20
სოხუმი საქართველოს ტერიტორიული მთლიანობისადმი სომხეთის მხარდაჭერას აკრიტიკებს
03/07/2024 - 21:40