არასრუწლოვანი შვილის გაუპატიურების ბრალდებით ბათუმში კაცი დააკავეს

დაკავებული თურქეთის მოქალაქეა - როგორც შსს პრესცენტრი იუწყება, კაცი შვილს მოკვლით ემუქრებოდა. კაცი ბათუმში დააკავეს.

„ბრალდებული მამაკაცი როგორც თურქეთში, ასევე, საქართველოში ყოფნისას საკუთარ შვილზე სიცოცხლის მოსპობისა და ჯანმრთელობის დაზიანების მუქარით, სექსუალურად სისტემატურად ძალადობდა“, - აცხადებენ შსს-ში.

საქმე აღიძრა სისხლის სამართლის კოდექსის ორი მუხლით: ოჯახის წევრის გაუპატიურების (11 პრიმა 137-ე) და ოჯახის წევრზე მუქარის (11 პრიმა 153) მუხლებით.

რადიო თავისუფლება შსს-ში დამატებითი დეტალების გარკვევას ცდილობს.